Շուշիի տեխնոլոգիական համալսարանի ռեկտոր Նվեր Միքայելյանի շնորհավորանքի խոսքը սեպտեմբերի 1-ի կապակցությամբ

Սիրելի՛ ուսանողներ, դասախոսներ, կրթության ոլորտի աշխատակիցներ,

Շնորհավորում եմ Ձեզ սեպտեմբերի 1-ի՝ Գիտելիքի և դպրության  օրվա առթիվ։ Թեպետ չարաբաստիկ պատերազմը խաթարեց ողջ հայության կյանքի բնականոն ընթացքը, այնուամենայնիվ մեր ողջ անձնակազմը անխափան շարունակել է տքնաջան աշխատել ու արարել։ Նոր՝ 2022-2023 ուսումնական տարին թող բոլորիս համար լինի հաջողությունների և գիտելիքների ձեռքբերման ժամակաշրջան։

Սիրելի՛ առաջին կուրսեցիներ, բարի գալուստ մեր համալսարան, որն այսուհետ կդառնա ձեր տունը, աջակիցն ու լավ ընկերը։ Ձեր առջև բացվում է ապագան՝ իր բազում հնարավորություններով, երբ դուք ավելի ու ավելի կհարստացնեք ձեր գիտելիքներն աշխարհաճանաչողության հետաքրքիր գործում։

Նոր ուսումնական տարում հաջողություն եմ մաղթում բոլորիս։

ՇՏՀ ռեկտոր Նվեր Միքայելյան

 

Facebooktwitterredditpinterestlinkedinmail