ԱՀ գյուղատնտեսության նախարար Աշոտ Բախշիյանն այցելել է Շուշիի տեխնոլոգիական համալսարան

2020թ. հունիսի 19-ին ԱՀ գյուղատնտեսության նախարար Աշոտ Բախշիյանն այցելել է Շուշիի տեխնոլոգիական համալսարան:

Նախարար Բախշիյանը ծանոթացել է համալսարանի բնագիտական լաբորատորիայի գործունեությանը, լաբորատորիայի ղեկավար Գագիկ Ներսիսյանի հետ, քննարկել համալսարանում ստացված եթերայուղերի, քսուքների և բալասնների արտադրություն կազմակերպելու հետ կապված հարցեր:

Ռեկտոր Հովհաննես Թոքմաջյանի և պրոռեկտոր Սարիբեկ Գալստյանի հետ, նախարարը քննարկել է պոլիմերահանքային նյութերի կիրառման միջոցով, անջրդի պայմաններում, աշնանացան ցորենի և այլ  մշակաբույսերի բերքատվության բարձրացման հնարավորությունները:

Նախարար Բախշիյանն ու ռեկտոր Թոքմաջյանը մտքեր են փոխանակել նաև, Արցախի ջրային ռեսուրսների կառավարման խնդիրների շուրջ:

Նախարար Բախշիյանը կարևորել է, դեռևս 2019թ.-ից  համալսարանի կողմից իրականացվող, Աստղաշեն համայնքի գյուղատնտեսական նշանակության հողերի գոտիավորման աշխատանքները և հույս հայտնել, որ այս տարի դրանք կամփոփվեն ավարտական հաշվետվությամբ:

Ամփոփելով աշխատանքային հանդիպումը, նախարար Բախշիյանն իր գոհունակությունն է հայտնել համալսարանում իրականացվող հետազոտական աշխատանքների վերաբերյալ և տվել մի շարք հանձնարարականներ:

ԱՀ գյուղատնտեսության նախարարին ուղեկցում էին ԱՀ գյուղատնտեսության նախարարի տեղակալ Տիգրան Առստամյանը, Շուշիի անասնաբուժական կայանի պետ Սարգիս Բաղունցը:

Հանդիպմանը մասնակցել է ԱՀ նախագահի խորհրդական Կարեն Ներսիսյանը:

Սուսաննա Մեսրոպյան