ԱՆԱՍՆԱՊԱՀԱԿԱՆ ՀԱՄԱԼԻՐԻ ՆԱԽԱԳԻԾ՝ ԳԻՏԽՈՐՀՐԴԻ ՆԻՍՏՈՒՄ

1F14970D-A39D-4152-8F96-BF58C49CFE4D

 

AB94915E-460E-4786-9CE9-A548D47C2B36

Նոյեմբերի 25-ին տեղի է ունեցել Շուշիի տեխնոլոգիական համալսարանի գիտական խորհրդի նիստը, որտեղ  համալսարանի անասնաբուժության ամբիոնի դասախոս, Սարուշենի անասնապահական համալիրի մասնագիտական աշխատանքների գծով համակարգող Արտյուշա Հարությունյանը հանդես է եկել զեկույցով՝ Ասկերանի շրջանի Սարուշենի համայնքում նախատեսվող անասնապահական համալիրի հակահամաճարակաբանական միջոցառումների պլանավորման և իրականացման նախագծի վերաբերյալ: Ըստ բանախոսի՝ աշխատանքներն իրականացնելիս պետք է անպայման հաշվի առնել հիվանդությունների գործոնը. «Արդյունավետ կերակրումից և տոհմային աշխատանքների բացակայությունից զատ անասնաբուծության զարգացմանը խոչընդոտում են նաև մակաբուծային, վարակիչ և ոչ վարակիչ հիվանդությունները: Խնդիր է դրվել ուսումնասիրել այդ հիվանդությունների տարածվածությունը, և նախատեսվող անասնապահական համալիրի բուժկանխարգելիչ աշխատանքները պատշաճ մակարդակով կազմակերպելու համար մշակվել է հակահամաճարաբանական միջոցառումների պլան»,- ընդգծել է Ա Հարությունյանը։

Բուհի ռեկտոր Հովհաննես Թոքմաջյանը հանձնարարել է մշակել մատչելի ուղեցույց և այն բաժանել գյուղացիներին: Գիտխորհրդում քննարկվել են նաև օրակարգային այլ հարցեր և տրվել ցուցումներ համապատասխան ստորաբաժանումների ղեկավարներին: