ՏՆՏԵՍԱԳԵՏ ՀՐԱՆՏ ԲԱԳՐԱՏՅԱՆԸ ՇՈՒՇԻԻ ՏԵԽՆՈԼՈԳՒԱԿԱՆ ՀԱՄԱԼՍԱՐԱՆՈՒՄ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ

Տնտեսագիտության դոկտոր, պրոֆեսոր Հրանտ Բագրատյանն ապրիլի 17-ին Շուշիի տեխնոլոգիական համալսարանում հանդես է եկել դասախոսությամբ:

Ողջունելով հյուրին՝ ռեկտոր Հովհաննես Թոքմաջյանը համալսարանականներին է ներկայացրել Բագրատյանի անցած ուղին և նշել. «Ինձ բախտ է վիճակվել Հրանտ Բագրատյանի հետ աշխատել ավելի քան 26 տարի առաջ: 1993-1995 թվականներին` Հայաստանի համար տնտեսական ծանր տարիներին, նա եղել է ՀՀ վարչապետը: Այդ պայմաններում ես տեսել եմ Բագրատյանի գործունեությունը»:

IMG_6385

Բանախոսը ներկայացրել է ժամանակակից աշխարհի տնտեսական խնդիրներն ու տարածաշրջանային անհավասարությունները: Խոսելով քաղաքակրթության մասին՝ տնտեսագետն առանձնացրել է քաղաքակրթության 4 տեսակ՝ արևմտյան, հեռավոր արևելյան, օրթոդոքս և իսլամական աշխարհի քաղաքակրթություն:

Տնտեսական խնդիրների լուծմանն անդրադառնալով՝ Հրանտ Բագրատյանը համոզմունք է հայտնել, որ հնարավոր է դրանց համալիր լուծում տալ համագործակցության արդյունքում: