ՇՈՒՇԻԻ ՏԵԽՆՈԼՈԳԻԱԿԱՆ ՀԱՄԱԼՍԱՐԱՆԻ ՈՒՍԱՆՈՂՆԵՐԻ ԱՅՑԸ ԳՅՈՒՄՐԻ

2016թ. նոյեմբերի 21-ից 23-ը «Մեթոդական աջակցություն ԼՂՀ ՀԿ-ներին և երիտասարդներին» ծրագրի շրջանակում Շուշիի տեխնոլոգիական համալսարանի ուսանողները, ինչպես նաև Արցախի տարբեր բուհերից ուսանողներ մեկնեցին Հայաստանի երիտասարդական մայրաքաղաք ճանաչված Գյումրի:
Ծրագրի շրջանակում կազմակերպվեցին սեմինարներ, որի ընթացքում ուսանողները հնարավորություն ունեցան ներկայացնելու միջազգային երիտասարդական համագործակցության զարգացմանն ուղղված ծրագրեր: Մասնակիցների համար կազմակերպվեցին մշակութային էքսկուրսիաներ, հանդիպումներ Գյումրիում գործող բուհերի ուսանողական խորհուրդների, երիտասարդական հասարակական կազմակերպությունների ներկայացուցիչների հետ: Ծրագիրն արդյունավետ էր ուսանողների մտածողության ունակությունների զարգացման համար:

Ալբինա Գարաքյան