ՈՐՈՇՈՒՄ. Պրոֆեսոր Հայկ Լևոնի Սարգսյանին «Բարձր տեխնոլոգիաների տեղեկագիր» ամսագրի խմբագրական խորհրդի անդամ առաջադրելու մասին

Ղեկավարվելով «Բարձր տեխնոլոգիաների տեղեկագիր» (այսուհետ` Տեղեկագիր) ամսագրի հրատարակում կազմակերպելու մասին 12.02.2016թ. հուշագրի 2-րդ կետի է) ենթակետի պահանջներով,  Տեղեկագրի խմբագրական խորհրդի անդամ առաջադրել տնտեսագիտության դոկտոր, պրոֆեսոր, Հայկ Լևոնի Սարգսյանին (համաձայնությամբ):

Հայկ Լևոնի Սարգսյանի համառոտ կենսագրությունը

տնտեսագետ, տնտեսագիտության դոկտոր (1990), պրոֆեսոր (2003)

 

Գործունեության հիմնական ուղղություններն են՝ համաշխարհային տնտեսագիտություն, կառավարման տեսություն, մաթեմատիկական տնտեսագիտություն, սոցիալ-տնտեսական համակարգերի կառավարում: Հեղինակ է շուրջ 200 գիտական աշխատանքների, այդ թվում` 11 մենագրությունների: Նրա գիտական ղեկավարությամբ և խորհրդատվությամբ պաշտպանվել է 60-ից ավելի թեկնածուական և 2 դոկտորական ատենախոսություն:

 

Ծնվել է 1948թ. օգոստոսի 9-ին Արագածոտնի մարզի Սուսեր գյուղում:

1970թ. ավարտել է Մոսկվայի Լոմոնոսովի անվան պետական համալսարանը:

Աշխատել է` Երևանի պետական համալսարանում և Երևանի ժողովրդական տնտեսության ինստիտուտում (1975-1980թթ.),  Հայաստանի ԳԱ տնտեսագիտական ինստիտուտում` բաժնի վարիչ (1980-1988թթ.), ՀԿԿ կենտկոմում (1989-1990թթ.), ՀՀ էկոնոմիկայի նախարարի առաջին տեղակալ (1991-1993 թթ.), 1994թ.-ից` Երևանի պետական համալսարանում` ամբիոնի վարիչ, դեկան:

Պարգևներ. ՀՀ նախագահի հրամանագրով 2014թ. պարգևատրվել է “Անանիա Շիրակացի” մեդալով: 2011թ. Սինգապուրում ստացել է “Տնտեսագիտության լավագույն պրոֆեսոր” մրցանակ: