Որոշում. Պրոֆեսոր Արևշադ Հապետի Վարդանյանին “Բարձր տեխնոլոգիաների տեղեկագիր” ամսագրի խմբագրական խորհրդի անդամ առաջադրելու մասին

Հաշվի առնելով Երևանի կապի միջոցների գիտահետազոտական ինստիտուտի առաջարկը և ղեկավարելով “Բարձր տեխնոլոգիաների տեղեկագիր” (այսուհետև` Տեղեկագիր) ամսագրի հրատարակում կազմակերպելու մասին 12.02.2016թ. հուշագրի 2-րդ կետի է) ենթակետի պահանջներով, Տեղեկագրի խմբագրական խորհրդի անդամ առաջադրել պրոֆեսոր Արևշադ Հապետի Վարդանյանին (համաձայնությամբ):

 

Շուշիի տեխնոլոգիական համալսարանի

 ռեկտորի պաշտոնակատար, Տեղեկագրի

գլխավոր խմբագիր, տ.գ.դ.պրոֆեսոր

Հովհաննես Թոքմաջյան

Արևշադ Հապետի Վարդանյանի համառոտ կենսագրությունը

մեխանիկ,  տնտեսագիտության դոկտոր (2007), պրոֆեսոր (2009),

 

Գիտահետազոտական գործունեության հիմնական ուղղությունները վերաբերում են` կառավարման, հիդրոդինամիկայի, տեղեկատվական համակարգերի հիմնահարցերին: Հեղինակ է շուրջ 100 գիտական աշխատությունների և հոդվածների, այդ թվում` 15 գրքերի ու մենագրությունների:

Ծնվել է 1958թ. օգոստոսի 26-ին Բաքվում:

Կրթությունը՝

1981թ. գերազանցությամբ ավարտել է Լոմոնոսովի անվան Մոսկվայի պետական համալսարանի մեխանիկամաթեմատիկական ֆակուլտետը:

1986թ. ավարտել է Լոմոնոսովի անվան Մոսկվայի պետական համալսարանի մեխանիկամաթեմատիկական ֆակուլտետի ասպիրանտուրան և 1987թ. ստացել ֆիզմաթ. գիտությունների թեկնածուի գիտական աստիճան:

2001թ. ավարտել է ՌԴ կառավարությանը կից ժողտնտեսության ակադեմիան և ստացել MBA (Master of Business Administration) մագիստրոսի աստիճան:

2007թ. ավարտել է Մոսկվայի ավիացիոն ինստիտուտի դոկտորանտուրան և ստացել տնտեսագիտության դոկտորի գիտական աստիճան:

Աշխատել է՝

1987-1992 թթ.` Մոսկվայի “Մեքենաշինություն” ԳԱՄ-ի լաբորատորիայի վարիչ.

1992-2002 թթ.` Լոմոնոսովի անվան Մոսկվայի պետական համալսարանի մեխանիկայի ինստիտուտի ավագ գիտաշխատող.

2002-2009 թթ. Մոսկվայի ավիացիոն ինստիտուտի էկոնոմիկայի և մենեջմենթի ֆակուլտետի դեկանի տեղակալ, համատեղությամբ` “Տելեկոմ կենտրոն” ԲԲԸ տնօրենի տեղակալ` տեղեկատվական տեխնոլոգիաների գծով.

2009-2015 թթ. Կապի և ինֆորմատիկայի Մոսկվայի տեխնիկական համալսարանի պրոռեկտոր, իսկ 2015թ.-ից` ուսումնամեթոդական վարչության պետ.

2016թ.-ից Լոմոնոսովի անվան Մոսկվայի պետական համալսարանի մեխանիկայի ինստիտուտի տնօրենի խորհրդական, առաջատար գիտաշխատող: