Որոշում Տեխնիկական գիտությունների դոկտոր, պրոֆեսոր Վահան Հենրիկի Ավետիսյանին «Բարձր տեխնոլոգիաների տեղեկագիր» ամսագրի խմբագրական խորհրդի անդամ առաջադրելու մասին

Հաշվի առնելով Երևանի կապի միջոցների գիտահետազոտական ինստիտուտի առաջարկը և ղեկավարվելով «Բարձր տեխնոլոգիաների տեղեկագիր» (այսուհետ` Տեղեկագիր) ամսագրի հրատարակում կազմակերպելու մասին 12.02.2016թ. հուշագրի 2-րդ կետի է) ենթակետի պահանջներով, Տեղեկագրի խմբագրական խորհրդի անդամ առաջադրել  տեխնիկական գիտությունների դոկտոր, պրոֆեսոր Վահան Հենրիկի Ավետիսյանին (համաձայնությամբ):

Շուշիի տեխնոլոգիական համալսարանի
ռեկտորի պաշտոնակատար, Տեղեկագրի
գլխավոր խմբագիր, տ.գ.դ., պրոֆեսոր
Հովհաննես Թոքմաջյան

 

Վահան Հենրիկի Ավետիսյանի համառոտ կենսագրությունը

Ռադիոֆիզիկոս, տեխնիկական գիտությունների դոկտոր (2007), պրոֆեսոր (2011),

Գործունեության հիմնական ուղղություններն են՝ անտենաներ և անտենային չափումներ, ԳԲՀ և ՄՄԱ տիրույթի տեխնիկա և տեխնոլոգիա, ռադիոէլեկտրոնային միջոցների էլեկտրամագնիսական համատեղելիություն, հեռահաղորդակցության համակարգեր և ցանցեր: Հեղինակ է շուրջ 70 գիտական աշխատանքների, այդ թվում` 20 գյուտերի: Նրա գիտական ղեկավարությամբ պաշտպանվել է 2 թեկնածուական ատենախոսություն:

Ծնվել է 1947թ., հուլիսի 4-ին Երևանում:
Ավարտել է Երևանի Պետական Համալսարանը (1972թ.):
1972-1974 թթ.` որպես կապի սպա ծառայել է բանակում:
Աշխատել է.
1974-1981թթ.` ՀԽՍՀ ԳԱ Ռադիոֆիզիկայի և Էլեկտրոնիկայի Ինստիտուտ, ավագ ինժեներ, խմբի ղեկավար:
1981-1993թթ.` Ռադիոֆիզիկական չափումների համամիութենական ԳՀԻ,
ավագ գիտաշխատող:
1993-1999թթ.` “Կոմետա” գիտաարտադրական ինստիտուտ, չափիչ համալիրի պետ, փորձարարական արտադրության պետ:
1999-2001թթ.` ՀՀ ԱԳԱ Ռադիոֆիզիկայի և Էլեկտրոնիկայի Ինստիտուտ,
միկրոէլեկտրոնիկայի լաբորատորիայի վարիչ:
2001-2004թթ.` “Սինկրիստալ-ԱՐ” ՓԲԸ, արտադրության պետ:
2004-2005թթ.` “Մարս” Ռուսական ԲԸ, արտադրության գծով գլխավոր տնօրենի տեղակալ:
2005-ից` Երևանի Կապի Միջոցների ԳՀԻ գիտության գծով տնօրենի տեղակալ:
2006թ.-ից` Ռուս — Հայկական (Սլավոնական) Համալսարան, Մաթեմատիկայի և բարձր տեխնոլոգիաների ինստիտուտ, ԵրԿՄԳՀԻ-ին կից “Հեռահաղորդակցություն” բազային ամբիոնի պրոֆեսոր, վարիչ
Պարգևներ. ՀՀ Նախագահի մրցանակ տեխնիկական գիտությունների և ինֆորմացիոն տեխնոլոգիաներ բնագավառում: Պարգևատրվել է Միջազգային կենսագրական կենտրոնի մի շարք անվանակարգերում: